Að búa til auglýsingu

Smelltu á Ný auglýsing undir auglýsingar á Alfreð umsjóninni.

Fyrst þarf að velja hvernig þú óskar eftir að taka við umsóknum, með úrvinnsluborði Alfreðs eða vefslóð. Vinsælasta leiðin í dag er í gegnum úrvinnsluborð Alfreðs en með því þá leyfirðu Alfreð notendum að sækja um með prófílunum sínum.

Á síðastliðnu ári hafa yfir 63% fyrirtækja notað úrvinnsluborðið til þess að taka á móti umsóknum enda eru virkir Alfreð prófílar rúmlega 120.000 talsins.

Þú getur verið í beinum samskiptum við umsækjendur og m.a. sent þeim skilaboð, boð í starfsviðtal eða höfnunarbréf með einum smelli.

  1. Grunnupplýsingar
    1. Settu inn lýsandi starfstitil
    2. Veldu vinnustaðarprófílinn
    3. Veldu deild ef vinnustaðarprófíllinn er með deild 
    4. Settu inn heimilisfang starfsstöðvar (ef það er annað en heimilisfang vinnustaðarprófílsins)
    5. Settu inn starfstegund
    6. Launaupplýsingar: Hægt er að setja inn launaupplýsingar til þess að fólk viti u.þ.b. við hvernig launum það má búast.
    7. Birting hefst: Hægt er að velja dag í framtíðinni til þess að byrja að auglýsa á eða nota sjálfgefnu dagsetninguna til þess að birta strax.
    8. Settu inn umsóknarfrest eða veldu "Engan umsóknarfrest" ef þú vilt geta slökkt á auglýsingunni þegar þér hentar (það er ekki hægt ef þú setur umsóknarfrest).
    9. Áætlaður úrvinnslutími: Veldu tímann (1 - 6 vikur) sem þú áætlar að þú þurfir til þess að vinna úr umsóknum. Það er hægt að breyta þessum stillingum eftir birtingu.
  2. Starfslýsing
    1. Um starfið: Skrifaðu lýsandi texta um starfið
    2. Helstu verkefni og ábyrgð 
    3. Menntunar og hæfniskröfur 
    4. Fríðindi í starfi 
    5. Aðrar upplýsingar
  3. Starfsmerkingar
    1. Veldu a.m.k. eina starfsmerkingu til þess að sem flestir sem gætu haft áhuga á starfinu fái tilkynningu um nýtt starf með þeim starfsmerkingum sem þeir vakta.
    2. Notaðu bláu stikuna til þess að velja yfirflokk starfsmerkingarinnar og leita í öllum eða notaðu leitarstikuna hægra megin til þess að leita eftir stikkorði.
    3. Fyrir ofan starfsmerkingarnar er smærri gluggi sem kemur með tillögur að fleiri starfsmerkingum eftir þeim sem þegar hafi verið valdar. Með því að sveima yfir nöfnum sést í hvaða flokki þau eru.
    4. Með því að smella á valdar starfsmerkingar er hægt að fara yfir hvaða starfsmerkingar hafa verið valdar nú þegar.
      starfsmerkingar 
  4. Umhverfi og hópar
    1. Vinnuumhverfi og Hentugt fyrir: Hér er hægt að taka fram ef starfið hentar sérstaklega vel fyrir ákveðna hópa samfélagsins eða að vinnuumhverfið bjóði upp á ákveðna hluti.
  5. Hæfni
    1. Tungumálakunnátta - Ef umsækjendur þurfa að kunna ákveðin tungumál þá er hægt að gera skil á þeim hér.
    2. Hæfni: Að velja viðeigandi hæfni fyrir starfið auðveldar notendum að átta sig á því til hvers er ætlast af þeim og hvort þeir telji sig hafa þá hæfni sem þarf.
Aukaspurningar: Bara í boði ef verið er að nota Alfreð úrvinnsluborðið. 
  1. Aukaspurningar eru tilvalin leið til að fá nánari upplýsingar frá umsækjendum. Í úrvinnsluborðinu er hægt að nota sigtið til að sía út umsóknir eftir því hvernig umsækjendur svara aukaspurningunum.