Fulltrúi hefur takmarkaðan aðgang í kerfi Alfreðs. Stjórnandi getur opnað á úrvinnslu umsókna fyrir fulltrúa, hafi hann ekki stofnað auglýsinguna sjálfur.
Athugaðu að fulltrúinn verður að vera búinn að staðfesta aðganginn sinn áður en að þú getur opnað á úrvinnsluborðið.
Sé kúlan blá þá er ekki hægt að opna fyrir úrvinnsluborðið fyrir fulltrúann. Eftir að einstaklingurinn hefur staðfest skráninguna sína (búinn að búa sér til lykilorð) þá verður bláa kúlan græn:
Þegar fulltrúi hefur staðfest aðganginn sinn getur stjórnandi gefið honum aðgang að úrvinnsluborðinu fyrir ákveðna auglýsingu. Það er gert með því að vera inni í úrvinnsluborðinu og smella á Aðgangur efst á þeirri síðu.
Eftir það þarf einfaldlega að smella á nafn fulltrúans sem á að hafa aðgang að úrvinnslunni, við það opnast á úrvinnsluborðið hjá fulltrúanum og hann getur hafið úrvinnslu. Hér að neðan má sjá myndband um hvernig þú opnar á úrvinnsluborðið fyrir fulltrúa.
Þetta á einnig við um Almennar umsóknir.