Aukaspurningar getur þú aðeins sett við gerð auglýsingarinnar en þú getur búið til þínar eigin aukaspurningar í stillingum. Umsækjandi fær þá þessar spurningar um í umsóknarferlinu og getu ekki sent umsóknina sína áfram fyrr en búið er að svara spurningunum.

Með þessu geta fyrirtæki fengið meiri upplýsingar frá umsækjendum sem tengjast starfinu sem auglýst er. Þetta geta verið spurningar varðandi ófrávíkjanlegar kröfur t.d. ef aðili verður að vera með ökuréttindi eða hreint sakavottorð.

Hægt er að stofna ótakmarkaðan fjölda aukaspurninga en aðeins er hægt að nota þrjár með hverri auglýsingu. Aukaspurningar er aðeins hægt að nota þegar valið er að taka á móti umsóknum í gegnum Alfreð ráðningarkerfið.

Aukaspurningar eru stofnaðar undir „Stillingar“ > „Aukaspurningar“. Hægt er að aukaspurningar með 5 mismunandi svarmöguleikum.

Frjálst textasvar: Umsækjandi fær frjálst textasvæði til að svara spurningunni.
Dagsetningarval: Umsækjandi velur dagsetningu. Dæmi um spurningu: Hvenær getur þú hafið störf?
Já eða Nei: Umsækjandi velur annað hvort „Já“ eða „Nei“ sem svar við spurningunni.
Val um einn möguleika: Umsækjandi getur aðeins valið einn möguleika af, að hámarki, 6 möguleiku. Dæmi um spurningu: Hverjar eru launakröfur þínar?
Val um marga möguleika: Umsækjandi getur valið marga möguleika af, að hámarki, 6 möguleikum. Dæmi um spurningu: Veldu þau forrit sem þú hefur góða þekkingu á.



Í ráðningarkerfinu er síðan hægt að nota sigti til þess að sía út umsóknir eftir því hvernig umsækjendur svöruðu aukaspurningum. Þessi frábæri möguleiki gefur fyrirtækjum tækifæri á að sigta umsækjendur eftir aldri, tungumálakunnáttu og þeim aukaspurningum sem voru mögulega notaðar þegar auglýsingin var stofnuð.

Hægt er að kveikja og slökkva á sigtinu hvenær sem hentar.

Til þess að sigta umsóknir þá einfaldlega ferð þú í úrvinnsluborð umsóknanna, velur „sigta“ hnappinn í hægra horninu og sigtar þar eftir svörum við aukaspurningunum.
Var þessi grein hjálpleg?
Hætta við
Takk fyrir!