Aukaspurningar eru tilvalin leið til að fá nánari upplýsingar frá umsækjendum. Umsækjandi fær þá þessar spurningar í umsóknarferlinu og getur ekki sent umsóknina sína áfram fyrr en búið er að svara spurningunum. Þetta geta verið spurningar varðandi ófrávíkjanlegar kröfur t.d. ef aðili verður að vera með ökuréttindi eða hreint sakavottorð.

Hægt er að búa til ótakmarkaðan fjölda aukaspurninga en aðeins er hægt að nota 10 með hverri auglýsingu. Aukaspurningar er aðeins hægt að nota þegar valið er að taka á móti umsóknum í gegnum Alfreð ráðningarkerfið.

Best er að bæta aukaspurningum við þegar auglýsing er stofnuð.

Það er þó hægt að bæta þeim við eftir að auglýsing er stofnuð en þær umsóknir sem berast áður en það er gert munu ekki vera með svör við þeim.

Ef bæta á aukaspurningum eftir að auglýsing er stofnuð er það gert með því að smella á „Stillingar“ > „Aukaspurningar“.

Frjálst textasvar: Umsækjandi fær frjálst textasvæði til að svara spurningunni.
Dagsetningarval: Umsækjandi velur dagsetningu. Dæmi um spurningu: Hvenær getur þú hafið störf?
Já eða Nei: Umsækjandi velur annað hvort „Já“ eða „Nei“ sem svar við spurningunni.
Velja einn möguleika: Umsækjandi getur aðeins valið einn möguleika af öllum rituðum möguleikum. Dæmi um spurningu: Hverjar eru launakröfur þínar?
Velja marga möguleika: Umsækjandi getur valið marga möguleika af öllum rituðum möguleikum. Dæmi um spurningu: Veldu þau forrit sem þú hefur góða þekkingu á.



Í ráðningarkerfinu er síðan hægt að nota síur til þess að sigta út umsóknir eftir því hvernig umsækjendur svöruðu aukaspurningum. Þessi frábæri möguleiki gefur fyrirtækjum tækifæri á að sigta umsækjendur eftir aldri, tungumálakunnáttu og þeim aukaspurningum sem voru mögulega notaðar þegar auglýsingin var stofnuð.

Hægt er að kveikja og slökkva á síunum hvenær sem hentar.

Til þess að sigta umsóknir þá einfaldlega ferð þú í úrvinnsluborð umsóknanna og þar efst er lína af mögulegum síum. Blá sía merkir að hún er í notkun. Á smærri skjám fara síurnar undir litlu þrjú punktana [•••] hægra megin.

Var þessi grein hjálpleg?
Hætta við
Takk fyrir!