Alfreð prófíll inniheldur helstu upplýsingar um umsækjendur sem starfsmenn eins og starfsreynsla og menntun. Hér fyrir neðan förum við vandlega yfir það sem hægt er að skrá um sig í Alfreð prófíl. Við mælum með að þú gerir prófílinn þinn 100% því það eykur líkurnar á að þú fáir draumastarfið.



Persónuupplýsingar

Persónuupplýsingar eru meðal þeirra upplýsinga sem prófíll notanda hefur að geyma. Það er mjög mikilvægt að allar upplýsingar um notandann séu réttar þegar kemur að því að sækja á um starf.

Til þess að skrá eða breyta persónuupplýsingum er smellt á „Breyta“ takkann sem er efst uppi í hægra horninu á „Prófílnum“. Þar er hægt að breyta nafni, tölvupóstfangi, símanúmeri og fæðingardegi.

Viðhengi

Viðhengi eru algerlega nauðsynleg þegar kemur að Alfreð prófílnum. Til þess að sækja um starf er gríðarlega mikilvægt að vera búin(n) að setja inn ferilskrá og mögulega kynningarbréf eða önnur skjöl sem þú telur að hjálpi til við að meta hæfni þína í þau störf sem þú sækir um. Þú getur svo skipt þeim út og aðlagað þau fyrir hverja umsókn en viðhengin uppfærast ekki á milli umsókna.

Hægt er að setja inn að hámarki 3 skjöl í Alfreð prófílinn og er hámarksstærð þeirra 10 MB.

ATH! Skjöl sem notandi setur inn uppfærast ekki sjálfkrafa ef gerðar eru breytingar á þeim í t.d. Dropbox eða Google Drive. Uppfæra þarf skjölin sem eru í Alfreð prófíl notanda með því að hlaða þeim upp aftur.

Starfsreynsla og menntun

Upplýsingar um starfsreynslu og menntun eru að sjálfsögðu mjög mikilvægur hluti af Alfreð prófílnum þínum.

Ef notandi skráði sig inn með Facebook innskráningu færðust upplýsingar um starfsreynslu sjálfkrafa yfir í Alfreð prófílinn ef þær voru til staðar.

Starfsreynsla

Það er mjög einfalt og fljótlegt að fylla út upplýsingar um starfsreynslu. Notandi setur inn vinnuveitanda, starfstitil, mánuð og ár sem notandi byrjaði að vinna og mánuð og ár sem notandi hætti hjá vinnuveitanda. Ef notandi er ennþá starfandi hjá vinnuveitanda hakar hann við „Er að vinna hér núna“ valmöguleikann.

Menntun

Notandi fyllir út upplýsingar um menntun á mjög svipaðan hátt og starfsreynslu. Notandi setur inn upplýsingar um námið, skólann, mánuð og ár sem notandi byrjaði í námi og mánuð og ár sem notandi lauk námi. Ef notandi er ennþá í námi við skólann hakar hann við „Er í þessu námi núna“ valmöguleikann.

Tungumál

Tungumálakunnátta er mikilvæg þegar kemur að starfsumsóknum og getur skipt sköpum þegar verið er að ráða í ákveðnar tegundir starfa. Við mælum eindregið með að notendur skrái upplýsingar um tungumálakunnáttu sína til þess að bæta prófílinn sinn.

Tenglar

Hægt er að bæta tenglum við prófílinn sinn sem vísa á vefsíður sem gefa enn betri mynd af bakgrunni og hæfni notandans.

Hæfni

Í „önnur hæfni“ fyllir notandi út allt sem honum dettur í hug þegar kemur að hæfileikum hans og þekkingu.

Dæmi um aðra hæfni: Android forritun, auglýsingagerð, dúkalögn, fatahönnun, fjármál, fyrirlestrar, Java, leiðtogahæfni o.s.frv.
Var þessi grein hjálpleg?
Hætta við
Takk fyrir!