> ## Knowledge Base Index > Fetch the complete knowledge base index at: https://adstod.alfred.is/sitemap.xml > Use this file to discover available pages before exploring further. > Pure-Markdown content can be obtained by appending a '.md' suffix to the content URLs listed in the sitemap (without the trailing slash). # Úrvinnsluborð Alfreðs Úrvinnsluborðið í Alfreð er alger bylting þegar kemur að úrvinnslu umsókna í ráðningarferlinu. Borðið byggir á Kanban aðferð fyrir verkefnastjórnun og hefur fjóra dálka en leyfir þér að búa til eins marga dálka og þér sýnist. ### Úrvinnsluborðið 1. **Nýjar**: Allar nýjar umsóknir fara sjálfkrafa í dálkinn „Nýjar“ en þaðan eru umsóknir síðan dregnar (e. drag and drop) yfir í einn af hinum dálkunum sem í boði eru. 2. **Ólíklegt**: Vinstra megin við „Nýjar“ dálkinn er „Ólíklegt“ dálkurinn. 3. **Kannski**: Hægra megin við „Nýjar“ dálkinn er síðan „Kannski“ dálkurinn. Þangað er hægt að setja umsóknir sem úrvinnsluaðilanum langar til að skoða betur seinna eða hugsa betur um. 4. **Viðtal:** Lengst til hægri er síðan síðasti flokkurinn „Viðtal“. 5. **Fleiri dálkar**: Hægt er að bæta við eins mörgum dálkum til viðbótar við þessa fjóra með því að smella á Nýr dálkur. Hægt er að breyta litnum á dálkum, endurskýra og henda þeim með því að smella á Breyta undir litlu þremur punktunum. Þú getur fært dálkana til og frá eins og þú vilt með því að smella og draga.  ![](https://storage.crisp.chat/users/helpdesk/website/d7588bd1612b6800/urvinnslubord-flott_4glaa.png) ### Samskipti / Senda skilaboð Í úrvinnsluborðinu geta fyrirtæki átt samskipti við umsækjendur. Fyrirtækin eiga ávallt frumkvæði að samskiptum í úrvinnslukerfinu. Hægt er að senda skilaboð á alla í einum dálk í einu með því að smella á [•••] efst í dálkinum og smella þar á **Senda skilaboð á alla**. Sjá nánar: [Senda skilaboð](/is/article/senda-skilabod-sbfh30/) Umsækjandinn getur síðan svarað til baka beint úr appinu eða vefnum. Ef notendur eru með kveikt á tilkynningum hjá sér fá þeir tilkynningar á milli 9-22 á daginn. ### Hafna umsóknum Hægt er að hafna öllum úr einum dálk í einu með því að smella á [•••] efst í dálkinum og smella þar á **Hafna umsóknum**. Þá birtist gluggi með stöðluðum texta sem hægt er að breyta. Sjá nánar: [Hafna umsóknum](/is/article/hafna-umsoknum-1wxszwj/) Hægt er að breyta staðlaða textanum undir **Stillingar -> Stöðluð svarbréf**. Eftir að búið er að hafna eru umsóknirnar merktar óvirkar og er að finna undir þeirri síu, Óvirkar umsóknir. ![](https://storage.crisp.chat/users/helpdesk/website/d7588bd1612b6800/ezgifcom-gif-maker_1q7fq1.gif) ### Viðtöl Hægt er að bjóða umsækjendum í viðtal með einföldum hætti. Ef sveimað er yfir spjaldi umsækjanda er hægt að smella á [•••] og velja Bjóða í starfsviðtal. Einnig er hægt að gera það með því að opna spjaldið og þá birtist takkinn uppi í hægra horninu. Þegar smellt hefur verið á takkann opnast gluggi þar sem allar helstu upplýsingar um viðtalið eru settar inn. * Dagsetning starfsviðtals * Tímasetning viðtals (frá og til) * Staðsetning viðtals * Skilaboð  Hægt er að búa til staðlaðan texta í **Stillingum** sem birtist sjálfkrafa. Eftir að viðtalsboð hefur verið sent fær umsækjandi skilaboð í Alfreð appinu sínu og hefur þá möguleika á að svara viðtalsboðinu með þremur möguleikum. 1. Já ég mæti 2. Nei, ég afþakka 3. Óska eftir nýjum tíma Ef notandi óskar eftir nýjum tíma getur fyrirtækið sent nýtt viðtalsboð á umsækjanda. ### Vídeóviðtöl Vídeóviðtöl eru frábær leið til þess að kynnast umsækjendum aðeins betur áður en ákveðið er að kalla þau í starfsviðtal. Þú sendir spurningar á umsækjendur sem taka upp svörin sín í appinu. Þú rennir svo yfir svörin þegar þér hentar. Þetta mun spara þér mikinn tíma! Þú getur gefið vídeóviðtölum einkunn í ráðningarkerfinu. Einkunnaskalinn er sýnilegur við hvert vídeóviðtal. Ef margir fyrirtækjanotendur eru að vinna í úrvinnsluferli umsóknanna þá getur þetta hjálpað mikið þar sem einkunn hvers og eins verður aldrei sýnileg notanda. Meðaleinkunn þeirra sem gefið hafa einkunn sést í spjaldi umsækjanda. Prófaðu Vídeóviðtöl Alfreðs þér að kostnaðarlausu og boðaðu valda umsækjendur í snertilaust viðtal.  * Gríðarlegur tímasparnaður! * Frábær leið til að sía frá umsækjendur fyrir starfsviðtöl. * Þú getur farið yfir vídeóviðtölin þegar þér hentar. * Umsækjandinn getur tekið viðtalið í appinu þegar honum hentar, innan tilsetts skilafrests. * Tækifæri til að stækka hóp þeirra sem koma til greina í starfið því ferilskráin segir ekki allt. ### Hæfnismat Áður en byrjað er að fara yfir umsóknir getur verið gott að skrifa niður atriði sem skipta máli varðandi val á umsækjenda og leggja mat á það hversu miklu máli hvert atriði skiptir. Til dæmis má nota hæfnismatið til að meta mikilvægi menntunar, reynslu, fyrri verkefna og svo frammistöðu í viðtölum. Til þess að búa til nýtt hæfnismat þá ferð þú einfaldlega undir **Stillingar** > **Hæfnismat**, þú smellir svo á **Nýtt hæfnismat** og hefst handa. Til þess svo að nýta hæfnismatið við úrvinnslu umsókna þá verður að opna hvern og einn umsækjanda, velja **hæfnismat** og hefjast handa. Meðaleinkunn hæfnismatsins kemur svo í úrvinnsluborðinu sem gefur þér betri yfirsýn á hæfni umsækjenda og auðveldar þér ákvörðunartöku um ráðningu. ### Ráðning Að merkja umsækjanda sem **Ráðinn** er eiginleiki í Alfreð ráðningarkerfinu. Þegar umsækjandi er merktur sem ráðinn er hægt að senda beiðni á umsækjanda um að fylla út upplýsingar um stéttarfélag, lífeyrissjóð, séreignarsparnað og launareikning. Sjá nánar: [Merkja umsækjanda ráðinn](/is/article/merkja-umsaekjanda-radinn-dw3kfw/) Þessar upplýsingar flýta fyrir allri skráningu hjá fyrirtækinu og getur fyrirtækið nálgast þessar upplýsingar í ráðningarborðinu. ### Ljúka úrvinnslu Mikilvægt er að ljúka úrvinnslu á auglýsingu eftir að ráðningu er lokið. Alfreð sendir skilaboð á alla umsækjendur og lætur vita að úrvinnslu sé lokið sé ekki búið að hafna eða merkja umsækjendur ráðna nú þegar. Sjá nánar: [Úrvinnslutími](/is/article/urvinnslutimi-nmyor2/)