Hæfnileit (e. Talent Pool) er þjónusta sem notendur Alfreðs geta bætt við prófíl sinn án endurgjalds. 

Til að skrá sig í Hæfnileit þarf 100% útfylltan prófíl ásamt ítarlegri upplýsingum sem hjálpa rétta starfinu að finna þig. 

Hæfnileit getur verið frábær viðbót við hefðbundna atvinnuleit þar sem starfstækifærin koma til þín úr annarri átt. 

Núna hefur þú tvær leiðir til að fá vinnu í gegnum Alfreð. Til að sjá muninn skulum við bera þessar tvær leiðir saman:

Hæfnileit er ekki fyrir óþolinmóða

Til að byrja með viljum við fá sem flesta notendur Alfreðs til að uppfæra prófíla sína í Hæfnileit. Árangurinn af þeirri skráningu mun ekki skila sér fyrr en að nokkrum mánuðum liðnum. Það mun taka tíma að kenna fyrirtækjum að nýta Hæfnileit til að finna starfsfólk. Prófílar í Hæfnileit munu fyrst fara að uppskera starfstilboð að nokkrum mánuðum liðnum. 

Hæfnileit hentar líka þeim sem eru í starfi nú þegar

Við vonum að Hæfnileit sé kærkomin viðbót fyrir þig og aðra notendur Alfreðs og bendum á að þessi þjónusta hentar mjög vel þeim sem eru í starfi. Það er alltaf möguleiki á að þarna úti sé starf sem hentar enn betur en það sem þú ert í núna — hærri laun, betri starfsaðstaða, nær heimilinu þínu — hver veit? Þú tapar engu á að hafa Hæfnileitina í gangi.  

Spurningar og svör: 

Hvernig virkar Hæfnileit?

Þú skráir prófílinn þinn í Hæfnileit og gefur leyfi fyrir því að fyrirtæki setji sig í samband við þig með spennandi starfstækifæri. 

Fá öll fyrirtækin að skoða prófílinn minn?  

Nei. Fyrirtæki kaupa aðgang að Hæfnileit og fylla út starfslýsingu með óskum um hæfni, reynslu og menntun. Ef þú ert með sömu hæfni skráða á þinn prófíl þá geta þau boðið þér að íhuga að skoða ný starfstækifæri. 

Get ég útilokað fyrirtæki frá því að hafa samband? 

Já. Þú getur útilokað fyrirtæki sem þú vilt ekki fá starfstilboð frá (t.d. það sem þú vinnur hjá nú þegar) með því að skrá kennitöluna á þinn lista fyrir útilokuð fyrirtæki.  

Geta allir skráð sig í Hæfnileit? 

Nei, til að skrá sig þarftu að vera 18 ára og staðfesta það með rafrænni auðkenningu. Þú þarft 100% útfylltan prófíl og bæta við upplýsingum sem gefa nánar til kynna faglegan metnað þinn og óskir um staðsetningu, vinnuaðstöðu, launakjör o.s.frv. 

Er Hæfnileit fyrir störf sem ekki eru auglýst? 

Já, fyrst og fremst. Fyrirtækjum býðst að kaupa aðgang að Hæfnileit í stað þess að auglýsa starf. Þannig getur Hæfnileit flýtt fyrir og sparað tíma sem annars færi í úrvinnslu umsókna o.s.frv. 

Er fljótlegra að finna starf í gegnum Hæfnileit? 

Nei, sennilega ekki, og alls ekki til að byrja með. Ef þú þarft að finna vinnu sem fyrst þá skaltu endilega halda áfram að vakta auglýst störf og senda inn umsóknir. 

Er Hæfnileit eitthvað betri en venjuleg atvinnuleit? 

Já og nei. Hæfnileit er frábær viðbót sem gefur þér möguleika á að fá tilboð um starf á hentugri stað, með hærri launum, betri vinnutíma eða öðru því sem þú sækist eftir í lífinu. Því fleiri fyrirtæki sem við fáum til að nýta þessa leið, því gagnlegri og fljótvirkari verður Hæfnileit fyrir almenna notendur til að tengja sig við tækifærin í lífinu.  

Hvenær má búast við starfstilboði gegnum Hæfnileit? 

Hæfnileit krefst þolinmæði, ekki síst til að byrja með. Frá því að fyrstu notendurnir skrá sig (sumarið 2025) þar til fyrstu starfstilboðin fara að berast þurfa að líða nokkrir mánuðir. Í framhaldinu mun það síðan ráðast af hæfni þinni, eftirspurn á vinnumarkaði og öðrum þáttum hvort notendur fá mörg starfstilboð, örfá tilboð um störf eða engin tilboð.

Er einhver munur á Hæfnileit og því að stilla Alfreð á Vaktina? 

Jahá! Með því að skrá þig í Hæfnileit þá opnar þú á að fyrirtæki úti í bæ taki frumkvæði og bjóði þér starf. En með því að stilla á Vaktina færðu hins vegar skilaboð um starfsauglýsingar á Alfreð sem passa við prófíl þinn. Hæfnileit er sýningargluggi þar sem þú býður hæfni þína. Vaktin er tól í almennri atvinnuleit.   

Get ég skráð mig úr Hæfnileit? 

Já, auðvitað. Það er sáraeinfalt að skrá sig í og úr Hæfnileit. Inni í stillingum fyrir þinn prófíl er rofi þar sem þú getur kveikt og slökkt á Hæfnileit eins og þig lystir. Spurningin sem þú þarft að spyrja þig er bara: Til hvers?

Uppfært þann: 25/08/2025