Question 1

Borði á Viðskipti

Accepted Answer

Borði á Viðskipti er breiður auglýsingaborði sem lifir í sólarhring á Viðskiptasíðu Vísis.

Borði á Viðskipti sér til þess að starfsauglýsingin þín á Alfreð nái betur til hæfileikafólks með menntun og reynslu af viðskiptalífi og stjórnun fyrirtækja.

Auglýsingaborðinn birtist í 24 klst. hjá nýjustu fréttum úr viðskiptalífinu og nær beint til þeirra sem fylgjast daglega með stöðu markaða og hræringum í atvinnulífi.

Upplausn: Minnst 970x250 pixlar
Starfslýsing: Mest 300 stafbil
Birtingartími: 24 klst.
Verð: 124.900 kr. + vsk.

Alfreð hvetur auglýsendur til að nota myndir í hárri upplausn sem eru lýsandi og aðlaðandi fyrir starf og starfsaðstöðu.

Hvernig fæ ég Borða á Viðskipti fyrir starfsauglýsingu?

Búðu til auglýsingu eða veldu auglýsingu í birtingu. Undir Aukaþjónustu velur þú Borða á Viðskipti. Skrifaðu stutta lýsingu á starfinu, tvær til þrjár setningar. Því næst velur þú myndefni, gengur frá kaupunum og borðinn fer í birtingu. Auglýsingaborðinn lifir í 24 tíma frá og með kaupum.

Alfreð hvetur auglýsendur til að nota myndir í hárri upplausn sem eru lýsandi og aðlaðandi fyrir starf og starfsaðstöðu.

Question 2

Vídeóviðtöl

Accepted Answer

Fyrirtæki hafa þann valkost að bjóða umsækjendum í vídeóviðtal. Viðtalið tekur þú upp í símtæki þínu og svarar spurningum sem atvinnurekandi hefur lagt fram.

Boð í vídeóviðtöl eru að finna í Innhólfinu þínu í appinu.

Ef þú hefur ekki farið í vídeóviðtal áður getur þú tekið prufuviðtal með því að smella á Nánari upplýsingar.

Þegar þú tekur viðtalið þá mælum við með að setja símann á Do not Disturb eða á flugvélastillingu til þess að tryggja að það geti enginn hringt í þig í miðju viðtalinu.

Vídeóviðtölin gera atvinnurekanda kleift að kynnast þér og sjá einnig hvernig þú svarar spurningum sem þér eru gefnar.

Við hjá Alfreð mælum með því að þú undirbúir þig fyrir vídeóviðtal líkt og þú gerir fyrir starfsviðtal.

Nokkur góð ráð:

Taktu Vídeóviðtalið! Ef þú ert komin/n í þann hóp sem fékk boð í Vídeóviðtal þá hefurðu nú þegar komist í gegnum nokkrar síur. Ef þú ákveður að taka ekki Vídeóviðtalið þá er hægt að líta svo á að þú hafir ekki komist í gegnum næstu síu.
Gerðu allt sem þú myndir gera fyrir hefðbundið starfsviðtal. Skoðaðu fyrirtækið vandlega og reyndu að sjá þig fyrir þér sem starfsmann þar. Passa gildi þín við gildi fyrirtækisins? Af hverju langar þig að vinna hjá þessu fyrirtæki frekar en öðru? Hvað finnst þér spennandi við fyrirtækið?
Finndu bjartan og rólegan stað þar sem þú verður ekki fyrir truflun

Question 3

Hvernig bý ég til Alfreð prófíl?

Accepted Answer

Nýskráning

Til þess að búa til Alfreð prófíl þarf að skrá sig inn. Nýskráning/innskráning fer fram hér.

Alfreð prófíll

Prófíllinn inniheldur helstu upplýsingar um þig sem fyrirtæki þurfa til þess að meta þig sem starfskraft. Hér fyrir neðan förum við yfir það sem hægt er að skrá um sig í Alfreð prófíl.

Við mælum með að þú gerir prófílinn þinn 100% því það eykur líkurnar á að þú fáir draumastarfið.

40% Grunnupplýsingar (nafn, mynd, netfang, símanúmer)

10% Um mig

20% Starfsreynsla

20% Menntun

10% Tungumál

Grunnupplýsingar

Það er mikilvægt að allar grunnupplýsingar séu réttar þegar kemur að því að sækja um starf.

Til þess að skrá eða breyta grunnupplýsingum er smellt á Breyta takkann sem er efst uppi í hægra horninu við grunnupplýsingarnar á prófílnum.

Um mig

Hér áttu að skrifa stuttan texta um sjálfan þig. Þessi texti á að kynna þig sem persónu, hvernig persónuleiki ert þú, hefurðu tekið þátt í einhverju tómstundarstarfi eða öðru sem þú telur að geri þig að góðum starfskrafti.

Tungumálakunnátta

Tungumálakunnátta er mikilvæg þegar kemur að starfsumsóknum og getur skipt sköpum þegar verið er að ráða í ákveðnar tegundir starfa. Við mælum eindregið með að notendur skrái upplýsingar um tungumálakunnáttu sína til þess að bæta prófílinn sinn.

Viðhengi

Á prófílinn þinn er hægt að hlaða upp viðhengjum eins og ferilskrá, skírteinum o.fl. svo þú hafir þau til taks þegar þú sækir um störf.

Fyrirtæki sjá aðeins

Question 4

Úrvinnslutími

Accepted Answer

Stilla þarf áætlaðan úrvinnslutíma við gerð auglýsinga.

Þegar umsóknarfresti lýkur eða auglýsingu er lokað tekur við úrvinnsla á umsóknum.

Fá umsækjendur upplýsingar um úrvinnslutímann?

Umsækjendur fá skilaboð frá Alfreð þegar auglýsingarnar fara í úrvinnslu (sjá mynd).

Að úrvinnslutíma loknum verður auglýsingum lokað sjálfkrafa og umsækjendur fá skilaboð um að úrvinnslu sé lokið (sjá mynd).

ATH! Umsækjendum sem hafa nú þegar verið hafnað eða boðið í viðtal fá ekki skilaboð um að úrvinnslu sé lokið.

Þarf að velja áætlaðan úrvinnslutíma?

Já, við gerð auglýsingar þarf að áætla þann tíma sem þú telur að úrvinnsla umsókna muni taka. Gáðu að því að hægt er að breyta áætluðum úrvinnslutíma á meðan auglýsingin er virk. Þetta er gert með því að fara í Breyta á auglýsingunni > Birting og úrvinnsla.

Framlengja úrvinnslutíma

Þegar úrvinnsla er hafin er hægt að framlengja úrvinnslutíma. Þetta er gert í úrvinnsluborðinu með því að smella á Úrvinnsla efst í hægra horni > Framlengja úrvinnslu. Hægt er að framlengja úrvinnslu um 1 viku í senn 3 dögum áður en úrvinnslu lýkur.

Ekki er hægt að framlengja úrvinnslutíma þegar úrvinnslu er lokið.

Question 5

Stofna aðgang fyrir nýjan notanda

Accepted Answer

Fyrirtæki geta stofnað ótakmarkaðan fjölda notenda sem hafa aðgang að Alfreð Umsjón.

Til þess að bæta við notanda þarf aðili með stjórnenda aðgang að smella á Aðgangar efst í stikunni > + Nýr aðgangur og fylla þar í reitina.

Velja þarf hlutverk fyrir aðganginn, sjá nánar: Aðgangsstýring - Stjórnandi og fulltrúi.

Question 6

Hvernig sæki ég um starf með Alfreð prófíl?

Accepted Answer

Það hefur aldrei verið eins auðvelt að sækja um starf eins og með Alfreð prófílnum þínum.

Þegar notendur sjá bláan Sækja um takka á auglýsingum þýðir það að tekið er við umsóknum í gegnum Alfreð.

Til þess að hægt sé að sækja um starf með Alfreð prófílnum þarf a.m.k. 80% af upplýsingum í prófílnum að vera útfylltur. Auðvitað mælum við með að hann sé 100% útfylltur.

Ef fyrirtækið hefur óskað eftir því að umsækjendur svari aukaspurningum í umsóknarferlinu, þá bætast við stuttar spurningar sem auðvelt er að svara í appinu eða á vefnum.

Þegar umsókn hefur verið send inn er síðan hægt að fylgjast með stöðu hennar í Innhólfinu. Fyrirtæki geta síðan verið í samskiptum við umsækjendur í innhólfinu; boðið í viðtal, óskað eftir viðbótarupplýsingum o.s.frv.

Sé umsóknartakkinn appelsínugulur tekur fyrirtækið við umsóknum á ytri vefslóð og er notendum beint þangað ef smellt er á Sækja um.

Mest lesið

Skoða alla flokka